ఆమె చివరి కరచాలనం !!

                    

స్నానం చేసి చాలా రోజులైంది

తాగీ, కాగీ, దేహం దిగాలుపడింది

యూనివర్శిటీ లేడీస్ హాస్టల్‌ బస్‌స్టాప్‌ మూలకు

రాత్రి 10-40కి ఆమె చివరి కరచాలనం

Burberry Touch

ఫ్లోరల్ అండ్‌ ఫ్రూటీ ఫ్రాగ్రెన్స్

ఇంకా పరిమళిస్తూనే ఉంది

కడిగేసుకోవడం అంత ఈజీ కాదురా నీ యయ్య

గుర్తుందా కాఫీ డేలోఆమెతో కలిసి 
శుద్ధమధ్యమంలో పాడిన పాట

బీటలు వారిన గుండె పక్కన

ఎప్పటిదో యుద్ధ స్థావరం

నెమలీక ఇంకా నెత్తుటి మడుగులోనే ఉంది

ఎగశ్వాస దిగశ్వాస

కవిత్వం ఇప్పుడొక శైథిల శిల్పం

పోనీలే జహాపనా

గ్రీటింగ్ కార్డొక నోస్టాల్జియా

ఇప్పుడా జోకుడు పుల్ల

ఇసుక రేణువుల్లో ఇరుక్కుపోయింది

ఇనుప దడి వెనుక నుంచి

నువ్వెంత మాట్టాడినా

ఆమెకు వినిపించదులే శీనయా

లే.. లేచి స్నానం చేయ్‌!!