శ్రీనీలు

వినాయకచవితి

చిన్నతనంలోనే

నాయకత్వ లక్షణాలు

ఱంపపు కోత భరించలేక

చెక్కదిమ్మ యేడుస్తోంది

పొట్టుపొట్టుగా..

చందమామను చూస్తే

మల్లెచెట్టుకు యెంత సిగ్గో..

పూలకొంగు మొహాన కప్పుకుంది.

స్కూల్‌ బస్‌

యెన్ని సీతాకోకచిలుకల్ని

మోసుకెళ్తుందో..

గ్రంధాలయం

అడుగు పెట్టగానే

మస్తిష్కమంతా

విజ్ఞాన పరిమళం

మల్లెతీగ మనీప్లాంట్‌ తో

ఏం గొడవ పెట్టుకుందో

యాంటెనాతో కమిటయింది.

దర్వాజ బండమీద

పావలా బిళ్లలు..

దొంగతనం చేసినప్పుడల్లా

మా తాత చేతి కర్రే సాక్ష్యం.