సముద్రాల్ని చిలుకుతున్నాను
కవిత్వం వెన్నలా కురుస్తోంది
మానస సరోవరం ఒడ్డున
మెరీనా బీచ్‌ పలవరింత
లైట్ హౌజ్‌లోంచి
ప్రాతఃకాల సంగీతం
గ్రామ్‌ఫోన్‌లో కాంపాక్ట్ డిస్క్‌
జలకన్య ఒంటినిండా
నక్షత్రాల నఖక్షతాలు
గాయాల మీద
చిటికెడు వెన్నెల మలాం
పొగడమీద రాలిన మంచు
రుధిరంతో కలిసిపోయింది
కలువ వలువ లోపలి నగ్నత్వం
మగత నిద్రలోకి
తూరుపు కొండ ప్రసవించింది
వేకువ జామున
నా మరణానుభూతి
శూన్యాకాశంలోకి
బాధాతప్త కవిత్వం
పాబ్లో నెరుడా కలంలోకి
ఇంకై ఇంకెన్‌
ఇప్పుడున్న బాధల్లా ఒకటే
ఆత్మకు అయిడెంటిటీ క్రైసిస్‌
ఏం పర్లేదు టచ్‌లో ఉండు
అందాకా ఈ భగవద్గీత చదువుకో!
No comments:
Post a Comment