భగ్నప్రేమ లేఖ

రాతి పుప్పొడి రాతల

ఆఫ్రికన్‌ పోయెట్రీ

పారిస్‌ నగర వీధుల్లో అమ్మకం

బై వన్‌ గెట్ వన్‌

అయినా

ఐ హేట్ యువర్ ఫేక్ స్మయిల్

ఒకే రెక్కతో పుట్టిన ప్రేమ

ఎవరికీ పట్టని నట్టనడి ఎడారిలో

తడారిన గొంతుతో ఎర్రెర్రగా ల్యాండైంది

అలాంటప్పుడు నవ్వు

సమశీతోష్ణమండలంలో

మాంటేజ్‌ సాంగ్ ఎలా పాడుతుంది?

పోగొట్టుకున్న కాలం రూఫ్‌ కింద

a poem for beloved

స్మృతి మరకల్ని సిరాతో బరబరా

తాజ్‌మహల్ అల్మరాల్లోంచి

భగ్న ప్రేమలేఖలన్నీ

వేడి వెన్నెల జ్వాలల్లోకి

నీ చెత్త భౌతిక భావజాలాన్ని

గతితప్పిన తార్కికవాదాన్ని

నెత్తినేసి కొట్టుకుంటే

ఐదో పెగ్గు దగ్గర నిద్రొచ్చింది

లేచి చూస్తే శిశిరం ప్రసవించింది

వసంతంలో స్వీయసౌఖ్యానంద సిద్ధాంతం

అంచేత భక్తజనులారా..

సౌందర్యం నుంచి సౌఖ్యాన్ని కోరుకుంటే

అట్టి ప్రతిపాదన దుఃఖానికి మూలహేతువగును

(please note above mentioned bottom lines)